Aksident i rëndë në autostradën Elbasan-Peqin, Benzi përplaset me Fuoristradën, 3 shtetas të plagosur rëndë.
Ngjarja ndodhi në orët e para të mbrëmjes në hyrje të qytetit të Peqinit. Në aksident janë përfshirë një automjet i tipit ‘Mercedes-Benz’ dhe një Furistradë ‘Hyundai’.
Si pasojë e përplasjes, tre shtetas kanë marrë plagë të ndryshme në trup dhe janë transportuar për në spitalin e Elbasanit. Mes tyre është edhe një grua.
Në vendin e ngjarjes shkoi policia dhe një grup hetimor.
Ende nuk dihen shkaqet e aksidentit. Po punohet për zbardhjen e rrethanave.