Sipas burimeve policore, pas grupit kriminal qëndron një 52-vjeçar së bashku me bashkëshorten e tij 49-vjeçare, të cilët e kishin kthyer trafikun e drogës në biznes familjar.
Të shënjuara me… Mickey Mouse! Kjo është shenja dalluese që i kanë vendosur drogës që kishin për shitje tre shqiptarë, të cilët u arrestuan mbrëmjen e djeshme në Greqi. Në banesat e tyre u gjetën 10 pako, të mbushura me heroinë dhe me kokainë.
Sipas burimeve policore, pas grupit kriminal qëndron një 52-vjeçar së bashku me bashkëshorten e tij 49-vjeçare, të cilët e kishin kthyer trafikun e drogës në biznes familjar. Të dy shqiptarë, por identiteti i tyre nuk dihej. Bashkë me ta u arrestuar dhe shqiptari tjetër, 31-vjeçar, edhe ky i paidentifikuar.
Përveç sasisë së drogës, atyre u janë konfiskuar edhe dy peshore precize, 3.400 euro, një veturë dhe shtatë telefona celularë.
Fitimi që do të bënin nga shitja e lëndëve narkotike llogaritet që të shkonte deri në dhjetëra mijëra euro. Kjo pasi në Greqi, një gram kokainë kushton 35 euro, por edhe mund të arrijë deri në 120 euro.
