Dinamikat dhe zhurma e madhe që ka krijuar Big Brother VIP Albania nuk e ka lënë indiferent as këngëtarin Butrint Imeri. Disa vite më parë lidhja e Butrint Imerit dhe Kiara Titos ka qënë kryeqëndra e mediave rozë. Edhe vetë Kiara e ka përmendur pak gjatë një bisede lidjen e sajeë të dashurisë e cila zgjati vetëm dy vite mes tyre.
Pas spektaklit të mbrëmshëm (e shtunë), Butrinti ka postuar një foto të Kiarës në llogarinë e tij të Instagramit.
Butrinti shpërndau një foto nga profili i saj dhe sipër vendosi një ’emoji’ kurore ku tregonte hapur hapur mbështetjen e tij ndaj Kiarës.
Veprimi i autorit të “Cigaren” vjen pas një sërë dinamikash në shtëpinë e famshme që është përfshirë pikërisht Kiara.
Moderatorja që nga hyrja në shtëpinë e famshme ka qenë në fokus të banorit tjetër, këngëtarit Luiz Ejlli, i cili po tenton në çdo mënyrë që ta bëjë për vete.
Ndërkohë, historinë e dashurisë me Butrintin, Kiara e ka përmendur me disa prej banorëve.
Pa e përmendur emrin e tij, Kiara tha se këngëtari ‘ka qenë personi i duhur në kohë të gabuar’.
Mbetet të shihet se si do të rrjedhin gjërat mes tyre, nëse Butrinti e ka bërë për të marrë pak vëmendje nga ky edicion, apo mund të ketë ende diçka mes tij dhe prezantueses.
