Zbardhen të tjera detaje nga gomonia me 50 emigrantë sirianë të cilët u shpëtuan mbrëmë në grykëderdhjen e Vjosës, pasi rrezikonin të mbyteshin.
Burimet bëjnë me dije se janë shoqëruar 2-3 persona skafistë i shpëtuan kapjes nga policia.
Ndërkohë, ka dyshime që trafikantët të jenë ndihmuar për t’u larguar. Burimet thonë se ka nisur hetim për përfshirjen e punonjësve të rojës bregdetare.
Gjatë komunikimit mes policisë dhe rojës bregdetare, këta të fundit kanë komunikuar se kanë pasur nën kontroll trafikantët, por më pas ka rezultuar se trafikantët janë arratisur.
Gomonia është dëmtuar totalisht. Dyshohet që nisja e kësaj të fundit të jetë bërë nga Kavaja dhe jo nga fshati Poro.
Në telefonat personalë të sirianëve janë gjetur fotografi të bëra në kryeqytet dhe nga deklarimet e tyre thuhet se ata kanë ndaluar në autostradë dhe kanë ecur shumë pak në një rrugë të prishur, e më pas kanë dalë në det.
