Detaje të reja janë mësuar ditën e sotme lidhur me vdekjen e 55 vjeçares Shahe Lika në Kamzë të Tiranës, e cila raportohet t’i ketë dhënë fund jetës pasditen e 4 shtatorit duke u vetëvarur në banesën e saj.
Bashkëshorti i saj i cili u tha familjarëve se kishte qenë një vdekje natyrale ka dhënë dëshminë e tij ndërkohë që gjendet brenda komisariatit i arrestuar për dy veprat penale “Shkaktimi i vetëvrasjes” dhe “Veprime që pengojnë zbulimin e së vërtetës”.
Mësohet se Shefqet Lika ka deklaruar se ishte të detyruar tëgënjente familjarët për mënyrën e vdekjes së 55 vjeçares pasi ata nuk do ta besonin, duke qenë se prej kohësh e akuzonin se e dhunonte.
Ka qenë e bija dhe vëllai i të ndjerës që kanë ngritur dyshimet lidhur me vdekjen e saj. Shahe Lika prej disa ditësh jetonte tek e motra për shkak se bashkëshorti i saj e dhunonte dhe dyshohet se kjo ka qenë një prej arsyeve pse ajo ka vendosur të vetëvritet.
