Një shqiptar 43- vjeçar ka ndërruar jetë disa ditë më parë pasi u dogj brenda një fabrike kanabisi në Brierley Hill të Birminghamit, në Angli.
Mediat vendase raportojnë se fabrika mori flakë gjatë natës së 4 qershorit teksa shqiptari ndërroi jetë ditën tjetër. Po ashtu një shoku i tij, edhe ai shqiptar u plagos dhe u transportua në spital.
20- vjeçari bashkë me mikun dhe bashkëkombasin e tij 43- vjeçar u bllokuan në fabrikë por vetëm një prej tyre mundi të shpëtohet. Po ashtu dhe një i tretë është shpëtuar por ai nuk dihet se cilës kombësi i përket.
Margaritis Xhindi quhet viktima, babai tre fëmijëve që mbeti i vdekur nga zjarri në fabrikën e kanabisit. “Margariti ishte një djalë i dashur, vëlla dhe baba i mrekullueshëm i tre fëmijëve. Ai kishte punuar shumë shumë në jetën e tij për të siguruar familjen e tij. “Margariti ka prekur zemrat e të gjithëve që e njohën atë dhe ne jemi shkatërruar nga një lajm i trishtuar”, janë shprehur të afërmit.
Një zëdhënës i Policisë West Midlands tha se besonin se të dy burrat ishin trafikuar në Mbretërinë e Bashkuar nga jashtë dhe ishin duke u mbajtur kundër vullnetit të tyre. Ngjarja ndodhi mbrëmjen e të enjtes, më 4 qershor, në një fabrikë në Brierley Hill. Për arsye ende të paqarta, fabrika ku rritej dhe përpunohej kanabisi mori flakë bashkë me dy shqiptarët brenda.
