Në Durrës pushteti vendor kujtohet për shkollat kur nis viti shkollor. Në kohën që shkollat duhej të kishin përfunduar së riparuari apo rindërtuari në 1 nëntor 2020, në Durrës ato shemben në nisje të vitit të ri shkollor.
250 nxënës, por jo të vetmit në qarkun Durrës, do të vijojnë me “makthin” e të mësuarit pasditeve në shkollat pritëse.
“Në vazhdën e operacionit të rindërtimit, IMT e Bashkisë së Durrësit e ndihmuar nga policia bashkiake shembën shkollën e mesme në njësinë administrative të Manzës. Në të njëjtin vend do të ndërtohet shkolla e re me kushte bashkëkohore e standarte të larta sigurie që do ti shërbejë nxënësve të kësaj njësie”, shkruan kryetarja e Bashkisë Durrës, Emiriana Sako, krahas fotove të shembjes se shkollës.
