Një ngjarje e rëndë ka ndodhur mbrëmjen e sotme në zonën e Skelës në Vlorë, ku një 14 vjeçar është paraqitur i plagosur në spitalin rajonal.
Sipas detajeve të bëra me dije nga policia, i mituri është dhunuar nga dy bashkëmoshatarët e tij të cilët e kanë goditur me tullë pas koke.
Njoftimi i Plotë:
Vlorë/Informacion paraprak
Rreth orës 21:00, në spitalin e Vlorës, ka shkuar i dëmtuar një shtetas 14 vjeç, i cili dyshohet se është dëmtuar me sende të forta, gjatë një konflikti të çastit me dy bashkëmoshatarë të tij.
Grupi hetimor po punon për sqarimin e plotë të rrethanave të ngjarjes dhe identifikimin e personave të përfshirë në konflikt.
