Juventusi vazhdon të deklarojë se Masimiliano Alegri është i paprekshëm. Por me sa duket, planet e bardhezinjve apo vetë trajnerit, janë të ndryshme pasi klubi torinez ka nisur të kërkojë një emër të ri për stolin, e për më tepër ka piketuar atë që dëshiron.
Paolo Berluskoni, vëllai i Silvio Berluskonit dhe presidenti i Monzës, ka bërë të ditur për mediat italiane se bardhezinjtë janë të interesuar për të vënë në drejtimin e skuadrës Rafaele Paladinon. Ky i fundit, ish-futbollist i bardhezinjve, ka drejtuar Monzën në një sezon spektakolar në Serinë A ku ka marrë rezultate të rëndësishme dhe ka siguruar me qetësi mbijetesën e ekipit.
“Paladino do të qëndrojë te Monza, do të flasim me të në fund të vitit, edhe pse është Juventusi që po e kërkon. Do të jetë e bukur që t’i themi “jo” Juventusit”, tha Berluskoni për ”Radio Rai”, duke bërë të qartë se ka kërkesa të rëndësishme për trajnerin i cili është zbulimi i këtij sezoni.
PANORAMASPORT.AL
