Një qytetar në Podujevë ka tërhequr vëmendjen përpara se të shkonte të votonte. Personi përgatiti karrocën me kalë duke vendosur dhe flamurin kombëtar shqiptar për të hedhur votën në kutinë e votimit.
Kosova sot mbyll zgjedhjet lokale. Në 21 komuna garojnë 42 kandidatë për postin e kryekomunarit. Raundi i parë u mbajt në 17 tetor. Proçesi zgjedhor nisi në orën 07:00 dhe përfundon në orën 19:00. Deri më tani pjesëmarrja raportohet të jetë më e ulët se në raundin e parë.
