Kryeministri i Shqipërisë, Edi Rama , ka uruar për ditëlindje Florjan Binaj, të cilin e ka cilësuar si sozinë e tij në shfaqjen më popullore e më kreative televizive.
Në postin e tij Rama është sjhprehur se nuk I kupton politikanët që mërziten me humorin e “Portokallisë”, të Agron Llakës, me karikaturat e Bujar Kapexhiut, të cilat ndonëse satirike për të, kryeministri I ka cilësuar si “ një lezet i madh për jetën publike dhe një burim energjish pozitive për konsumatorët e artit të tyre”.
Më tej kryeministri e mbyll postimin me urimet ndaj aktorit:
“…Duke i uruar sozisë time gazmore ditëlindjen dhe shëndetin, forcën krijuese e çdo mirësi e mbarësi për veten e për të dashurit e vet, uroj njëkohësisht që energjitë pozitive të Florit e të kolegëve të tij të talentuar të çdo ekrani, ta ushqejnë sa më mirë publikun në këtë kohë posaçërisht sfiduese për të gjithë.”