Elbasani bëhet “djep i arsimit” si një shekull më parë. Dy vajza nga ky qytet në krye të Ministrisë

Elbasani kthehet në “djep të arsimit” si një shekull më parë. Dy vajza nga ky qytet do të drejtojnë digasterin e rëndësishëm, njëra ministre e tjetra zëvendëse e saj.

Kryeministri Edi Rama ka vendosur të bëjë lëvizjet e para në kabinetin qeveritar pas zgjedhjeve parlamentare të 25 prillit. Duke iu referuar vendimeve të fundit të Këshillit të Ministrave, bëhet e ditur se Bora Muzhaqi do të jetë zëvendësministre e re e Arsimit, Rinisë dhe Sporteve, ndërsa Dallëndyshe Bici që do të jetë zëvendësministre e Mbrojtjes.

Sipas vendimit të Këshillit të Ministrave, Muzhaqi ka zënë vendin e Aspasjana Kongos e cila është liruar nga kjo detyrë. Ndërsa Bici e cila deri më tani ka mbajtur detyrën e drejtues së IKMT-së do të marrë atë të zëvendësministres së Mbrojtjes.

Bora Muzhaqi doli nga platfoma “Deputeti që duam”, ndërsa kandidoi si deputete në listat e Partisë Socialiste e 31-ta në Tiranë. Ajo u prezantua nga kryeminstri Edi Rama më 8 mars.

E lindur në Elbasan në moshën 17-vjeçare filloi studimet në Angli, ku gjimnazin e përfundoi në Kembrixh. Sipas rrëfimit të saj, arriti të studionte në “London School of Economics”, ku u diplomua me bachelor në Ekonomi. Më pas aplikoi për master në biznes ndërkombëtar, në “Hult International Business School”. Gjithashu prej 2 vitesh është pjesë e Bankës Europiane për Ndërtim dhe Zhvillim.

Tashmë janë dy figura elbasanase që drejtojnë Ministrinë e Arsmit, një nga ministritë më të rëndësishme të qeverisë, Evis Kushi dhe tani Bora nje aset premtues.