Një aksident është regjistruar pasditen e sotme në aksin rrugor Elbasan-Tiranë.
Ngjarja ka ndodhur në afërsi të tunelit panoramik sapo kalon fshatin Dopaj.
Nga pamjet e siguruara nga infowebtv shihen dy automjete janë përplasur mes tyre e për pasojë njëri ka shpërthyer në flakë.
Nga përplasja janë lënduar drejtuesit e mjeteve. Drejtuesi i mjetit tip Pezho që shpërtheu në flakë ka mundur të dalë duke i shpëtuar tragjedisë.
Drejt vendngjarjes u nis një zjarrfikëse dhe policia.
Nga të dhënat paraprake dyshohet se shkaqe të aksidentit kanë qenë një parakalim i gabuar, shpejtësia e lartë favorizuar edhe nga moti me lagështi.
Policia ka kryer veprimet proceduriale.
