Hajdutë “serialë” të motomjeteve në Tiranë/ Prangoset 29 vjeçari dhe shpallet në kërkim shoku i tij

0

Policia ka vënë në pranga sot shtetasin me inicialet Ç.V i cili është autor i shumë vjedhjeve në kryeqytet.

Sipas njoftimit zyrtar, mësohet se i riu ka kryer veprën penale në bashkëpunim me shtetasin R.J i cili është shpallur në kërkim.

Njoftimi i Policisë:

Tiranë

Finalizohet me sukses operacioni policor i koduar “Motos”, i zhvilluar nga Komisariati i Policisë Nr. 3.

Zbardhen dhe dokumentohen disa raste të vjedhjes së motomjeteve, në Tiranë.

Vihet në pranga njëri nga autorët e dyshuar, shpallet në kërkim bashkëpunëtori i tij.

Shërbimet e Komisariatit të Policisë Nr. 3, në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve para përgjegjësisë ligjore, pas një pune të mirëfilltë hetimore disaditore, organizuan dhe finalizuan me sukses operacionin policor të koduar “Motos”.

Si rezultat i këtij operacioni u bë arrestimi në flagrancë i shtetasit:

– Ç. V., 29 vjeç, banues në Tiranë, për veprën penale “Vjedhja” kryer në bashkëpunim.

Gjithashtu, u shpall në kërkim shtetasi R. J., 28 vjeç, banues në Tiranë.

Këta dy shtetas, në bashkëpunim me njëri-tjetrin, dyshohet se kanë vjedhur disa motomjete, në zona të ndryshme të Laprakës.

Nga tërësia e veprimeve hetimore ka rezultuar se janë autorë të disa vjedhjeve, konkretisht:

* Më datë 22.02.2021, në oborrin e një spitali, dyshohet se kanë vjedhur motomjetin e shtetasit E. S.;

* Më datë 28.02.2022, në rrugën “Lord Bajron”, dyshohet se kanë vjedhur motomjetin e shtetasit K. Sh.;

* Më datë 14.06.2022, në rrugën “Mahmut Fortuzi”, dyshohet se kanë vjedhur motomjetin e shtetasit B. J.

Vijon puna për dokumentimin e vjedhjeve të tjera që mund të jenë kryer nga këta shtetas.

Materialet i kaluan Prokurorisë, për veprime të mëtejshme procedurale.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu