Ditën e djeshme është shoqëruar në polici juristi i Bashkisë Bulqizë Denis Gjoli pasi iu gjetën 5 milionë lekë në makinën me të cilën po lëvizte në Maqellarë.
Ai ka deklaruar se shumën e parave që i janë gjetur në makinë, ja kishte dhënë një i afërm nga Durrësi për arsye familjare.
Ka hedhur poshtë akuzat e bëra, se paratë që ndodheshin në makinë do të përdoreshin për të blerë vota qytetarësh.
Sipas burimeve brenda policisë së Dibrës dëshmitë e juristit, përputhen me ato të personit të cilit ai ka deklaruar se i ka marrë paratë për arsye familjare.
