Seria A dhe kampionatet e ndryshme kanë rifilluar në kaos total për shkak të bumit të infeksioneve zbuluar nga tamponët e kryera. Në Itali i fundit i prekur është presidenti i Juventusit Andrea Agnelli. Ai është plotësisht i vaksinuar dhe nuk ka asnjë simptomë për sa i përket anës shëndetësore. Megjithatë ai nuk do të jetë në San Siro për të mbështetur skuadrën e tij në Superkupërn e Italisë që do të luhet të mërkurën.
Agnelli nuk ishte prezent as në Olimpico në ndeshjen Roma-Juventus. Për sa i përket Superkupës, Juventusi do të përballet në San Siro kundër Interit të mërkurën, në orën 20:45.
