Balerini Eltion Merja duket se nuk i del inati me Ilir Shaqirin. Eltioni pasi hyri në ‘Big Brother Vip’ i tha balerinit dhe koreografit se nuk e ka mbështetur në periudhën më të vështirë që po kalonte në jetën e tij, edhe pse kishte mundësinë që ta bënte. Gjithçka bëhej fjalë se Eltioni nuk u zgjodh që të ishte kast i balerinëve profesionistë te “Romeo dhe Zhuljeta”.
Ky diskutim duket se nuk ka përfunduar edhe pse është komentuar tepër. Në një bisedë të fundit me banorët Eltioni ka treguar se ka ende shumë detaje që nuk dihen dhe kërkon që Iliri të pranojë të vërtetën.
“Ai thotë këtë po e bën për lojë. Unë kam qenë gjithmonë kritik. Ka një kufi. Kjo më acaroi më shumë që erdha këtu dhe ia plasa në fytyrë të gjitha. Unë i thash pranoje atë që është e vërtetë kaq. Po e kam thënë edhe aty te vendi, e them edhe tani, e do ia them prapë, që ai ka frikë nga e vërteta. Po të dua unë them edhe detaje të tjera, por e lash. Jo të më bëj mua ai. Ai të thotë po, e kam thënë këtë gjë për Monikën, kërkoj ndjesë. Të pranojë gjërat”,– thotë Eltion.
