Ka një dakordësi për objektin e hetimit për zgjedhjet, nuk ka dakordësi për inceneratorët, ka një vendim të palës tjetër për të mos pranuar ngritjen e komisionit hetimor për Beketin.
Dhe justifikim për këtë është një letër që ka dërguar avokati i shtetit, mosngritja e këtij komisioni i shërben interesit të Edi Ramës. Kjo është në shkelje të plotë të Kushtetutës, natyrisht që ne nuk do ta pranojmë këtë, do bëjmë gjithçka që kemi në dorë që ky komision të ngrihet.
Ne nuk kemi marrë asnjë propozim nga askush derimë tani për Vetingun, nuk kemi diskutuar me askënd për këtë çështje, e rëndësishme për ne janë interesat e shqiptarëve. Po e përsëris edhe njëherë nuk kemi marrë asnjë propozim deri tani. Strategjitë si do të negociojmë do të paraqiten në momentin e duhur.
