DURRËS– Arben Mërkuri është personi që ra pre e një atenti mbrëmjen e sotme në Sukth. Mësohet se 48-vjeçari është qëlluar dy herë me armë zjarri. Ai është dërguar në spita pasi i është bërë atentat, por aty ka ndërruar jetë si pasojë e plagëve të marra.
Mërkuri rezulton të jetë person me precedent të mëparshëm penalë, kryesisht në fushën e narkotikëve. Ai është një nga tre personat që rrahën bznesmenin libanez në Durrës, Faadi Mitri. Për ngjarjen në fjalë, Mërkuri u shoqërua bashkë me Landi Muharremin, ish-subjekt i OFL-së dhe Skënder Krahjën.
Sukthi është rrethuar nga forca të shumta policie, por rrethanat e ngjarjes janë ende të paqarta.
Kontrolle po ushtrohen edhe në hyrje të Tiranës, pasi ka dyshime të forta që ekzekutorët janë nisur drejt kryqytetit pas vrasjes.