Monika Kryemadhi ka reaguar në lidhje me lajmin për caktimin e masës së sigurisë ‘detyrim paraqitje’ nga SPAK.
Përmes një postimi Kryemadhi thekson se këto janë lajme të servirura nga propoganda e qeverisë dhe se asaj dhe babait të fëmijëve të saj po u bëhet gjygj publik.
Postimi i Kryemadhit:
Të dashur gazetarë për të cilët kam shumë respekt dhe që sot po raportoni lajme të servirura nga propaganda e qeverisë për sulmet e radhës të drejtësisë ndaj opozitës shqiptare.
Unë ende nuk kam marrë dijeni mbi një vendim gjykate që do të vendoste masa sigurie mbi mua apo babain e fëmijëve të mi.
Sapo të njoftohem për këto vendime të drejtësisë do të përgjigjem me të gjitha hapat ligjore dhe publike.
Persekutimi nga drejtësia si armë ndaj kundërshtarit politik, si dhe gjyqi publik që po na bëhet, nuk ndalon opozitën në betejat pa kompromis për të mbrojtur interesin publik.
Duke nisur nga Inceneratorët dhe der tek çdo betejë tjetër të drejtë që po luftojmë për shqiptarët.
