Një 48-vjeçar është gjetur i pajetë ditën e sotme në fshatin Rrajcë, lagjia Krastë, të Librazhdit.
Sipas dëshmive të banorëve të zonës, Fatos Çollaku është vetëvarur në një pemë pranë banesës së tij. Ata thonë se gjendja e rënduar ekonomike mund ta ketë shtyrë 48-vjeçarin drejt vetëvrasjes.
Prej kohësh ai jetonte me motrën në një banesë thuajse të rrënuar, në varfëri ekstreme, dhe prej disa muajsh i kishin shkëputur edhe energjinë elektrike për shkak të mospagesave.
“Trupi i tij gjendet në morgun e Elbasanit, ku akoma nuk është paraqitur mjeku ligjor për ekspertizën ligjore për të përcaktuar shkaqet”, bën me dije Librazhdi News.
