“Martohem në fund të korrikut”, kush është zyrtarja e lartë e Bashkisë së Lushnjes që u përgjërua t’i hiqnin masën e arrestit

0

Njëra prej zyrtareve të Ndërmarrjes së Pasurive Publike në Bashkinë e Lushnjes, Ani Simoni, ashtu sikurse edhe kolegët dhe eprori i saj, është njohur sot me masën e sigurisë nga togat e zeza të GJKKO-së dhe për të është caktuar ‘arresti në shtëpi’. Ajo i ka kërkuar trupës gjykuese që t’ia heqë këtë masë sigurie pasi do të martohej këtë muaj.

“Martohem në fund të korrikut, ju lutem ma hiqni masën e ‘arrestit të shtëpisë’”.

Kjo ka qenë kërkesa e një prej zyrtarëve të Bashkisë së Lushnjës, e cila u arrestua me urdhër të SPAK, në lidhje me abuzimet për një tender. Pavarësisht arsyes, GJKKO e ka refuzuar kërkesën e zyrtares Simoni, e cila akuzohet për veprën penale të ‘Shkeljes së Barazisë së pjesëmarrësve në tenderë apo ankande publike’, kryer në bashkëpunim.

Kolegët e saj Xhemal Hasko, Margarita Gjermeni dhe Andri Nusho u lanë gjithashtu me “arrest shtëpie”, ndërsa kryebashkiaku Fatos Tushe dhe gjashtë të tjerë u lanë në “arrest me burg”.

Në masën e sigurisë “Arrest në burg”

Fatos Tushe – kryetari i Bashkisë së Lushnjës;

Flamur Peqini – drejtor i ndërmarrjes së pasurive publike;

Ibrahim Lami – administrator i “Loti SHPK”;

Bujar Murati – administrator i “Euro alb shpk”;

Gazment Çela – zyrtar i ndërmarrjes së pasurive publike;

Bektash Nexha – zyrtar i ndërmarrjes së pasurive publike;

Blerta Turku – zyrtar i ndërmarrjes së pasurive publike.

Në masën e sigurisë “Arrest në shtëpi”

Xhemal Hasko – zyrtar i ndërmarrjes së pasurive publike;

Margarita Gjermeni – zyrtare e ndërmarrjes së pasurive publike;

Andri Nusho – zyrtar i ndërmarrjes së pasurive publike;

Ani Simoni – zyrtare e ndërmarrjes së pasurive publike

LEAVE A REPLY

Please enter your comment!
Please enter your name here