Ditën e sotme pritet të mblidhet Kryesia dhe Këshilli Kombëtar i Partisë Demokratike.Ky takim vjen në një moment kur zërat e brendshëm në Partinë Demokratike që kërkojnë dorëheqjen e kryetarit Lulzim Basha janë intensifikuar pas humbjes së zgjedhje.
Mbledhja e Këshillit Kombëtar të PD-së këtë të diel shënon dhe përballjen e parë të Lulzim Bashës me kritikët e tij, ish-Presidentin Bujar Nishani dhe anëtarin e Kryesisë, Fatbardh Kadilli.
Kadilli është sfidanti i parë i deklaruar për garën e kreut të PD-së, që pritet të sfidojë Bashën në zgjedhjet e muajit korrik. Nga ana tjetër Bujar Nishani është pjesë e fraksionit “Grupimi për PD-në”, ku përfshihen ish-zyrtarë të lartë të PD-së si ish-ministri i Mbrojtjes Arben Imami, Edith Harxhi dhe Edvin Kulluri, të cilët kërkojnë dorëheqjen e Bashës, por që ende nuk e kanë propozimin e tyre se kë preferojnë si kryetar.
