Kandidatja për deputete e Nismës Thurje, Rudina Hajdari, është takuar ditën e sotme me rivalen e saj nga lista e Partisë Demokratike, Flutura Açka. Hajdari ka bërë një foto me zonjën Açka e cila është e dyta në radhë në listën e PD-së për Elbasanin, ndërsa thote se gara e tyre nuk ka pse të jetë garë muskujsh e lufte për jetë a vdekje.
Po ashtu, në postimin e saj në Facebook, Rudina Hajdari shprehet se nëse duam të shkojmë drejt perëndimit, duhet të sillemi si të tillë duke nisur nga politikanët.
POSTIMI
“Përgjatë fushatës derë më derë sot u hasa me kandidaten rivale, znj. Flutura Açka. U takuam, u përshëndetëm, biseduam dhe bëmë një foto bashkë.
Gara jonë nuk është e nuk duhet të jetë garë muskujsh dhe lufte për jetë a vdekje por garë idesh e parimesh se si vendi ecën përpara.
Kultura e luftës pa skrupuj për pushtet dhe e muskujve që tmerrojnë qytetin e prishin harmoninë e qytetarëve duhet të marrë fund. Nëse duam të shkojmë drejt perëndimit, duhet të sillemi si të tillë duke nisur nga ne politikanët.”
