– Tre persona kanë vdekur pas një sulmi me armë zjarri mbi një autobus me nxënës në fshatin Gllogjan të Deçanit, nga të shtënat fatkeqësisht humbën jetën shoferi dhe dy nxënës. Mësuesja kujdestarja e një prej nxënësve ka rrëfyer mes lotësh se si ishte 17-vjeçarja që humbi jetën nga plumbat.
“Ka qenë nxënëse e shkëlqyer. Prej tre vjetësh jam kujdestare e saj, mungesa nuk ka pasur. Në orën 18:00 e kanë pasur autobusin për në shtëpi, por sonte nuk arriti që të shkonte,”- kështu është shprehur Merita Cula, profesoresha e gjimnazit “Hysni Zajmi”. Ndërkohë që i ka postuar edhe një dedikim në rrjete sociale.
