SHBA- Kim Kardashian heshti kur u pyet për Kate Middleton, pasi mori një mori kritikash për një shaka që kishte bërë më parë për Princeshën e Uellsit. Të dielën e kaluar, disa ditë përpara se Kate të njoftonte se po luftonte me kancerin, Kim bëri një koment rreth vendndodhjes së saj.
Ylli i realitetit postoi fotografi të saj duke qëndruar pranë një makine sportive dhe shkroi: “Në rrugën time për të shkuar të gjej Kate”, duke iu përshtatur trendit të teorive konspirative që kishin dalë për shkak të mungesës së gjatë të Kate në publik.
Të premten, Kate publikoi një video duke zbuluar se ajo po i nënshtrohej kimioterapisë parandaluese dhe komentet e Kim në Instagram vërshuan nga përdoruesit e medieve sociale që e sulmuan atë për shakanë e saj dhe i kërkonin asaj ta hiqte atë. Atë ditë, Kim u përball me shumë fotografë teksa po largohej nga loja e futbollit të djalit të saj Saint, kur njëri prej tyre pyeti: “A ka ndonjë koment për Kate?”, Kim mbeti e heshtur dhe hipi në makinën e saj pa fjalë.
