KOSOVË- Presidentja e Kosovës, Vjosa Osmani mori pjesë në Forumin Ndërkombëtar në Halifax. Me temën “Epoka e optimizmit: tani varet nga ne”, në panelin përmbyllës, Osmani foli për shembullin e Kosovës, si një bashkëdyzim i qëndrueshmërisë së popullit kosovar dhe fuqitë e aleancave të bazuara në vlera.
Osmani theksoi se foli për Kosovën, pikërisht si një ndër sukseset më të mëdha në histori.
“Në panelin përmbyllës me temën “Epoka e optimizmit: tani varet nga ne”, në Forumin Ndërkombëtar në Halifax, diskutova për shembullin e Kosovës, si një ndër sukseset më të mëdha në histori, si bashkëdyzim i qëndrueshmërisë së popullit të Kosovës në njërën anë dhe fuqisë së aleancave të bazuara në vlera, në anën tjetër”, ka thënë Osmani.