Pak minuta shi duket se kanë mjaftuar për të përmbytur qytetin e Durrësit, një nga qytetet më problematike në vendin tonë kur vjen puna te përmbytjet.
Fillimi i reshjeve të shiut ka sjellë rritje të nivelit të ujit në disa prej rrugëve kryesore të qytetit, ku rrjeti i kanalizimeve nuk ka mundur të përballojë pak minuta shi të mëngjesit të kësaj të enjte.
Prezencë uji ka në rrugën e stadiumit, rrugën e lagjes nr.14, nr.13 dhe për pasojë është paralizuar edhe lëvizja e automjeteve. Ndërmarrja e komunales duket se nuk ka marrë masa as këtë verë, pasi përmbytjet janë një problem i përhershëm në Durrës.
