Ministri i Jashtëm i Kinës, Wang Yi të dielën tha se koha do të vërtetojë se pozicioni i Kinës është në anën e duhur të historisë në lidhje me luftën në Ukrainë.
“Kina do të vazhdojë të bëjë gjykime të pavarura bazuar në meritat e çështjes dhe në një qëndrim objektiv dhe të drejtë. Ne kurrë nuk do të pranojmë asnjë shtrëngim dhe presion të jashtëm, dhe gjithashtu kundërshtojmë çdo akuzë dhe dyshim të pabazë kundër Kinës”, u tha Wang Yi gazetarëve, sipas një deklarate nga Ministria e Punëve të Jashtme.
Sipas CNN, Wang tha se zgjidhja afatgjatë është të braktisësh mentalitetin e Luftës së Ftohtë, të përmbahet nga përfshirja në konfrontim grupor dhe të formohet me të vërtetë një arkitekturë e sigurisë rajonale e balancuar, efektive dhe e qëndrueshme. Vetëm në këtë mënyrë mund të arrihet stabiliteti afatgjatë në kontinentin evropian”
Komentet e tij vijnë pasi presidenti I SHBA-së, Joe Biden foli me presidnetit kinez Xi Jinping të premten në një përpjekje për të bindur Kinën që të ndihmojë Rusinë në luftën e saj kundër Ukrainës.
“Kina duhet të marrë vetë një vendim se ku duan të qëndrojnë dhe si duan që librat e historisë t’i shikojnë dhe t’i shohin veprimet e tyre. Ky është një vendim që duhet të marrë presidenti Xi.” tha në atë kohë sekretarja e shtypit e Shtëpisë së Bardhë, Jen Psaki.
Ndërsa Kina nuk e ka dënuar plotësisht pushtimin rus të Ukrainës, ajo gjithashtu nuk ka ofruar mbështetje të qartë. Ekspertët besojnë se Pekini po kalon një pozicion kompleks ndërsa kriza në Ukrainë intensifikohet, duke u përpjekur të balancojë partneritetin e tij strategjik me Moskën duke ruajtur lidhjet ekonomike me Perëndimin.
SHBA-ja ka parë me kujdes ndërsa Xi kultivon një partneritet të ngushtë me presidentin rus Vladimir Putin, duke besuar se aleanca e liderëve autoritarë po pozicionohet për t’iu kundërvënë Shteteve të Bashkuara ushtarakisht dhe ekonomikisht. Gjatë bisedimeve të profilit të lartë në Pekin muajin e kaluar, Xi dhe Putin vulosën lidhjen e tyre, duke deklaruar në një deklaratë të gjatë se marrëdhënia ishte e pakufishme.
