Pesë vite burg për aksidentin me vdekje të dy të rinjve shqiptarë, Ergi Skenderi dhe Xhulio Kaja nga 20 vjeç. Ky ishte vendimi i drejtësisë italiane për ngjarjen e 30 qershorit 2019 për Irina Veteren, e cila atë natë kur po shkonte në shtëpi me makinë në gjendje të dehur përplasi shqiptarët.
Në momentin që po lexohej pretenca për italianen, nënës së njërit prej viktimave i ka të fikët, pasi protestoi dhe kundërshtoi. Familja e konsideroi të padrejtë vendimin, ndërsa lëshuan disa thirrje drejt trupit gjykues.
Turp! Kjo nuk është drejtësi.
Një pjesë familjes pranoi dëmshpërblimin e propozuar nga sigurimi, ndërsa familjarët e pranishëm në gjykatë morën kompensim të pjesshëm. Në sallën e gjyqit, gjyqtari hetues Luca Milani pranoi ujdinë për pranimin e fajësisë ndërmjet prokurores Daniela Di Girolamo dhe avokatit mbrojtës. Të afërmit e dy viktimave u shprehën se pranimi i fajësisë nuk është në përpjesëtim me realitetin dhe faktet.
Një prej familjarëve tha:
Dënimi me 5 vite për vdekjen e dy djemve nuk është i drejtë. Ajo tani po vazhdon jetën e saj, ne jo.
Pas përplasjes të rinjtë gjetën vdekjen e menjëhershme. Dy shqiptarët po ktheheshin nga një diskotekë bashkë me shokët e tyre, por ajo natë rezultoi tragjike. Mediat italiane shkruajtën në atë kohë se dy të të rinjtë qëndruan të pajetë në rrugë deri në mëngjes.
