Plas keq mes deputetëve të PD/ U tall se i kishin vjedhur një nuskë, Këlliçi i kthehet Bardhit: Të paktën nuk më ka humbur qeni!

0

Deputeti Belind Këlliçi i është përgjigjur Sekretarit të Përgjithshëm të PD Gazment Bardhit, i cili është shprehur se ish-kryetarit të Forumit Rinor të PD i kanë marrë nga zyra një nuskë dhe jo laptop siç pretendon ai.

Nga studioja e “Radarit Informativ” tha se kjo deklaratë e Bardhit është për të banalizuar një ngjarje që ai ka denoncuar. Por deputeti nuk e lë me kaq përgjigjen, duke e ironizuar atë në lidhje me qenin që e ka denoncuar si të vjedhur.

“Kjo është për të banalizuar një ngjarje që unë e kam denoncuar. Edhe nëse më ka humbur ndonjë nuskë, të paktën qeni s’më ka humbur, nuk kam paditur njeri që më ka vjedhur qenin. T’i lëmë banalitetet. Duan ta fusin diskutimin në banalitet”, shtoi Këlliçi.

Këlliçi denoncoi më herët para mediave se zyra e tij është bastisur 13 dhjetor, ndërsa akuzoi se i janë vjedhur sende personale si një laptop, hard-disku dhe USB.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu