Nuk ka qetësi për Diego Maradonën dhe familjen e tij. Pavarësisht se ish-lojtari ka ndërruar jetë më shumë se një vit më parë, në fakt, El Diez bën sërish kryetituj falë orëve të tij luksoze
ARGJENTINË- Nuk ka qetësi për Diego Maradonën dhe familjen e tij. Pavarësisht se ish-lojtari ka ndërruar jetë më shumë se një vit më parë, në fakt, El Diez bën sërish kryetituj falë orëve të tij luksoze. Siç zbulohet nga revista argjentinase Caras, në fakt, fëmijët e tij Diego Jr.
Dalma, Gianinna, Jana dhe Diego Fernando (të përfaqësuar nga nëna e tyre Verónica Ojeda) zbuluan një surprizë të pakëndshme kur javën e kaluar u takuan për hapjen e dy kontejnerëve që erdhën nga Dubai me sendet personale të babait të tyre: bizhuteritë dhe orët luksoze ishin zhdukur.
Kjo është historia e gazetarit argjentinas Carlos Monti: “Atje ishin fëmijët e Diego-s, së bashku me Verónica Ojeda. Diego Jr ishte atje, mos harroni se ai erdhi në Argjentinë sepse donte të shkonte te varri i babait të tij për t’u lutur. Çështja është se kur i hapin, fillojnë të shohin bluza, pantallona, kapele, dhurata, trofe, gjithçka. Por dikush tha: “Më falni, ku janë orët e Diegos?”
Sipas rikonstruksionit të mediave argjentinase, kutia me ato objekte i ishte dorëzuar tashmë Romina Rodríguez, e njohur më mirë si Monona, kuzhinierja që jetonte në Dubai me Maradonën, në mënyrë që ajo t’ia dorëzonte Claudia Villafañe. Mungesa e këtyre aseteve çoi në hapjen e një dosjeje gjyqësore: këto janë ora të markës zvicerane Hublot King Poëer Maradona të cilat në vitin 2012 kishin vlerën 43,600 dollarë sipas Profile.
