Zbulohen detaje të reja nga vrasja tragjike e 20 vjeçares Caroline Crouch në Athinë. E reja u vra nga një grup grabitësish në sy të foshnjës 11-muajshe, pasi e kishin lidhur me litar.
Policët që shkuan të parët në vendin e ngjarjes kanë zbuluar detaje shokuese për rastin. Një oficer i identifikuar vetëm si Christos, ka deklaruar se pranë viktimës ishte vajza e saj 11-muajshe – Lydia – e cila ‘po godiste nënën e saj me duar dhe po përpiqej ta zgjonte’.
Nga ana tjetër, bashkëshorti i të rese, duke folur për mediat, tha se ai nuk e dinte që Caroline kishte vdekur derisa policët arritën dhe hoqën shiritin që i mbulonte sytë.
Policia vazhdon punën për gjetjen e grabitësve që i morën jetën të resë dhe që shokuan Greqinë.
