Një roje sigurie ka pranuar se ka spiunuar për Rusinë ndërsa punonte në Ambasadën Britanike në Berlin.
Prokurorët pretenduan se David Smith, 58 vjeç, kishte dashur të dëmtonte Britaninë e Madhe dhe ambasadën ku kishte punuar për tetë vite, ndërsa ai u akuzua për mbledhjen e informacionit në lidhje me ambasadën dhe nxjerrjen e dokumenteve sekrete.
Smith u deklarua fajtor në Old Bailey për tetë akuza sipas Aktit të Sekreteve Zyrtare, ndërsa thuhet se ai donte të jetonte në Rusi ose Ukrainë gjatë kohës që i dha inteligjencës sekrete nga maji 2020.
Prokurorët thanë se ai ishte i shtyrë nga një urrejtje e fortë për vendin e tij dhe i zemëruar nga valëvitja e flamurit në mbështetje të komunitetit LGBT.
Smith, tani pa vendbanim të caktuar, u deklarua fajtor për akuzat më 4 nëntor, por fillimisht u vendosën kufizime për raportimin, të cilat u hoqën të premten pasi prokuroria tregoi se nuk do të kërkonte një gjyq për një akuzë të nëntë që ai e kishte mohuar.
Smith do të dënohet në një datë të mëvonshme dhe përballet me një burgimtë mundshëm prej 14 vitesh.