Atentat ndaj ish-kryetarit të komunas Velipojë.
Pashko Ujka ka mbetur i plagosur me armë zjarri.
Burime bënë me dije se ngjarja ka ndodhur pranë Universitetit të Shkodrës, ndërkohë që policia ka mbërritur në vendin e ngjarjes dhe po heton në lidhje me autorët dhe shkaqet e plagosjes.
Nuk dihet ende gjendja shëndetësore e ish-kreut të Komunës së Velipojës i cili ndodhet nën kujdesin e mjekëve.
Pashko Ujka ka drejtuar komunën e Velipojës në vitet 2011- 2015 nën siglën e PS, ndërkohë që ka qenë dhe në krye të ekipit sportiv Ada.
Po punohet për identifikimin dhe kapjen e autorëve të kësaj ngjarje.
Shkodër/ Informacion paraprak
Rreth orës 18:15, në lagjen “Vasil Shanto” Shkodër, në rrethana ende të paqarta është plagosur me armë zjarri shtetasi P. U., 64 vjeç, i cili ndodhet në spital nën kujdesin e mjekëve.
Në vendngjarje kanë mbërritur menjëherë shërbimet e Policisë dhe vijon krehja e zonës me qëllim kapjen e autorit.
Grupi hetimor nën drejtimin e Prokurorisë po vijon punën për sqarimin e rrethanave dhe zbardhjen e ngjarjes.