Forcat xheniere të Ministrisë së Mbrojtjes kanë ndërhyrë gjatë ditës së sotme në një masiv shkëmbor në fshatin Mamël,njësia administrative Gracen, Elbasan.
Masivi shkëmbor u shkatërrua pasi rrezikonte 10 shtëpi në lagjen “Care” të fshatit Mamël, me plot 10 familje përfshi dhe banorët e tyre.
Masivi shkëmbor mbi 30 m3 ishte shkëputur duke ju afruar banesave disa metra pranë.
Ndërhyrja është bërë bazuar në kërkesën zyrtare e ardhur nga dy institucione: Drejtoria e Emergjencave Civile dhe Bashkia Elbasan.Forcat e Armatosura vijojnë t’i shërbejnë komunitetit aty ku ata kanë nevojë, duke rritur sigurinë e jetës së tyre dhe do të vijojnë ta bëjnë këtë shërbim sa herë që të kërkohet ndërhyrje” thuhet në njoftimin e Shtabit të Përgjithshëm të Forcave të Armatosura.
Nga Deni Dushku
