Shkodra kthehet sot në kryeqendrën e policisë europiane, mblidhen drejtues nga 34 shtete (VIDEO)

0

Ketë të shtune, Shkodra është kthyer në kryeqendren e policise europiane, pasi në teatrin “Migjeni” po zhvillohet Kongresi i IPA-s, me drejtues të policise nga 34 shtete të Europes. Eksperte të të gjitha fushave dhe kryesisht të kufirit dhe emigracionit, janë takuar per te diskutuar mbi nxitjen e bashkepunimit nderkombëtër të policise.

International Police Association (IPA) është shoqatë ndërkombëtare e policise anëtarët e së cilës janë punonjës policie në detyrë, në rezervë, ose në pension. Qëllimi kryesor i veprimtarisë së kësaj shoqate është krijimi i lidhjeve të miqësisë midis vende anëtare, si edhe nxitja e bashkëpunimit ndërkombëtar policor në mbarë botën.

Disa nga qëllimet e kësaj shoqate policie janë zhvillimi i marrëdhënieve ndërkulturore, shkëmbimi përvojës, nxitja e dhënies së ndihmës së ndërsjellë midis vendeve anëtare në sferën sociale, si edhe brenda kufijve të mundësive reale për të kontribuar për një bashkekzistencë paqësore midis popujve që i shërben ruajtjes së paqes në të gjithë botën.

 

Kjo shoqatë filloi aktivitetin saj në Angli në 1 janar 1950 dhe sot numëron mbi 600 000 anëtarë në 67 vende anëtare (ndërmjet tyre Amerika, Kanadaja, Mbretëria e Bashkuar, Rusia, Brazili, Gjermania, Hollanda, Zvicra, Italia, Izraeli, Austria, Greqia, Kroacia, Maqedonia, Qipro, Serbia, Sllovenia, Mali i Zi etj).

IPA ka një status special konsultativ në OKB, në Këshillin e Evropës, në UNESCO etj për problemet e sigurisë por jo në fushën e hetimit të krimit, kësisoj është organizatë prestigjioze me ndikim të gjerë dhe anëtarësimi me të drejta të plota kalon në disa faza të kontrolluara rigorozisht nga IPA botërore.
Anëtarësimi në IPA paraqet interes për ne sepse i shërben më së shumti promovimit të vlerave të Policisë, imazhit të saj ndër të tjera lehtëson komunikimin që është element i rëndësishëm i partneritetit, lehtësim të lëvizjes së anëtarëve të organizatës, ofrim qendra pushimi të Policive të vendeve të ndryshme me çmime të arsyeshme, asistencë e konsulencë.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu