15 persona janë arrestuar nga Policia e Tiranës pasi shpërndanin lëndë narkotike në klubet e natës dhe në afërsi të shkollave.
Ndërkohë janë zbardhur emrat e të arrestuarve, mes tyre edhe një femër. Si rezultat i operacionit policor antidrogë të koduar “TENTAKULAT”, u vunë në pranga shtetasit:
Erkin Hima
Edis Hallkokondi
Rando Muçollari
Arlend Muçollari
Lubjan Heri
Sergej Muhollari
Emiljano Karaj
Henri Katroshi
Igli Eski
Reshit Kurtesh
Devis Zypçe
Klajdi Papa
Armand Sula
K. Begaj (femër)
Bledar Krasniqi
Gjatë kryerjes së veprimeve procedurale, në kuadër të këtij procedimi penal, janë sekuestruar në total:
• 745 gramë lëndë e dyshuar narkotike kokainë, e ndarë në doza të gatshme për shitje;
• 110 gramë lëndë e dyshuar narkotike heroinë, e ndarë në doza;
• 1.3 kg lëndë e dyshuar narkotike kanabis, e ndarë në doza;
• shuma parash, në euro, dollarë dhe lekë;
• 5 peshore elektronike;
• 25 aparate celulare dhe
• 6 automjete, 1 motomjet dhe 1 biçikletë, që përdoreshin për shpërndarjen e lëndëve narkotike.
Nga hetimet ka rezultuar se këta shtetas, pasi siguronin lëndët narkotike, kryesisht kokainë dhe heroinë, e tregtonin ato në zona të ndryshme të Tiranës, kryesisht në lokale nate. Gjithashtu, disa prej këtyre shtetasve siguronin lëndën narkotike kanabis dhe tentonin ta shisnin edhe në afërsi të disa shkollave në qytetin e Tiranës.