Gjatë ditës së sotme vendi është përfshirë nga reshje të dendura shiu, të cilat kanë shkaktuar përmbytje dhe probleme në disa akse rrugore.
Reshjet e shumta të shiut kanë shkaktuar probleme edhe në qytetin e Elbasanit në zonën e quajtur ‘Fusha e Loparit’, ku siç shihet edhe nga pamjet e siguruara nga InfoWeb.tv pema ka rënë sipër biçikletës gjatë kohës kur qytetari po lëvizte.
Si pasojë e këtij aksidenti nuk ka pasur të lënduar, por është shkaktuar trafik për një kohë të shkurtër dhe automjetet e kanë pasur të vështirë të lëvizin.
Në vendin e ngjarjes kanë shkuar forcat policore për të normalizuar trafikun dhe kanë kryer veprimet proceduriale të nevojshme.