Vrasja e 46-vjeçarit Bardhok Pllanaj, mbrëmjen e kaluar në Shkodër nëpërmjet një ekzekutimi mafioz dhe të pamëshirshëm duke derdhur mbi makinën e tij 120 plumba, përveç tronditjes në opinionin e qytetit është shoqëruar edhe me komente të shumta në rrjet.
Gazetari i njohur i kronikës së zezë, Artan Hoxha, njohës i mirë i krimit jo vetëm në këtë qytet, nëpërmjet një komenti në rrjetet sociale shkruan se pavarësisht se kolegët e kronikës e cilësojnë Bardhok Pllanajn si “Kumbari”, në këtë qytet nuk mund të flitet për “Njisha”.
Më 1 dhjetor 2021, media shkroi, se u vra “i forti” i Shkodrës. Sot në mbrëmje, sërish media shkroi, se u vra “kumbari” i Shkodrës…Sa herë duhet ta shkruaj?!
Kolegë, korrigjoni titullin, historia i ka dhënë të drejtë, batutës:
Shkodra, nuk ka njisha….Edhe pas vrasjes se radhës, e njëjta gjë do të shkruhet…Por sërish, Shkodra, nuk do të ketë njisha…”, shkruan Hoxha