Një i ri ka vrarë ish të dashurën e tij për të provuar dashurinë ndaj partneres së tij të re, sipas prokurorëve në Rusi.
Autori Aleksey Petrov, 20 vjeç, dyshohet se ka joshur ish të dashurën Anastasia Pospelova dhe e ka çuar në pyll nga ku edhe e ka vrarë.
Raportet thonë se Petrov dhe e dashura e tij e re Yekaterina Karpova, 20 vjeç, e ftuan Anastasia-n të bënte një festë së bashku, më 14 qershor.
Vrasja ndodhi në afërsi të fshatit Suzun në rajonin jugor të Novosibirsk.
Pasi ajo pranoi, dyshja e çuan në pyll ku ndezën një zjarr dhe filluan të pinin alkool.
Ndërkohë Petrov nxori një thikë nga xhepi dhe e goditi me thikë Anastasia-n disa herë, por viktima e tmerruar arriti ta shmangte dhe iku e gjakosur nga plagët e saj.
Ajo telefonoi një mik duke i kërkuar ndihmë, pastaj u përpoq të fshihej në pyll, por u gjet dhe u sulmua përsëri.
Këtë herë Petrov e goditi atë në gjoks me thikë, derisa e la të vdekur.
Pastaj ai dhe Karpova fshehën kufomën në shkurre dhe u kthyen në fshat, ku njoftuan se Anastasia ishte zhdukur.
Menjëherë pas kësaj, policia gjeti trupin e viktimës e cila mbante shenja të një vdekjeje të dhunshme.
Gjatë marrjes në pyetje, Petrov dhe Karpova rrëfyen dhe pranuan krimin, tha policia.
Burimi:Mirror|JOQ