Presidenti Ilir Meta ditën e sotme ndodhet në Korçë, ku po zhvillohet një ceremoni vlerësimi për mësuesit e shquar korçarë.
Meta në fjalën e tij është shprehur se Korça është djepi i arsimit dhe i kulturs.
Kreu i Shtetit ka vlerësuar me titullin “Kalorësi i urdhërit të Flamurit” dhe “Mjeshtëri i Madh” disa mësues (që nuk jetojnë më) të cilët kanë dhënë kontributin e tyre në arsim.
“Ne sot kujtojmë me nderim të jashtëzakonshëm Pandeli Sotirin, Jeronim De Radën, Pashko Vason, Gjergj Fishtën, e shumë personalitete të tjera, që me vizionin e tyre, por dhe sakrificat e tyre, na dhanë gjuhën shqipe dhe arsimin tonë.
Jemi sot t’iu shprehim mirënjohjen e thellë të gjithë mësuesve, edukatorëve, që punojnë sot edhe pse në kushte të vështira, për të pasur një të ardhme më të ndritur. Kujtojmë plejadën e mësuesve në pension, që ja kushtuan jetën e tyre të ardhmes së ndritur të brezit të ri. Roli dhe figura e mësuesit janë themelore dhe këtë e them edhe si fëmijë i dy prindërve.
Shpreh sot mirënjohjen e thellë për të gjithë mësuesit. Të gjithë mësuesit tanë, sidomos ata në zonat rurale, meritojnë një mbështetje akoma më të madhe, sa i takon infrastrukturës digjitale”, u shpreh Meta.
 të){kind=link}