Oksigjeni industrial është përdorur edhe nga spitalet në Fier dhe Ballsh.
Hetimet kanë zbuluar se pika e tregtimit të gazeve ka licencë vetëm për oksigjen industrial, por nga ana tjetër zbulohet se Spitali i Fierit dhe ai i Ballshit janë furnizuar gjithashtu në këtë subjekt me oksigjen.
Për të hedhur dritë mbi këtë skandal, prokuroria ka kërkuar informacion edhe nga shoqëria “Messer Albagaz”, nga e cila furnizoheshin dy spitalet.
Fundjavave kur shoqëria “Messer Albagaz” nuk kryen furnizime, spitali i Fierit dhe i Ballshit kur kanë nevojë, furnizohen me oksigjen te subjekti Brakaj.
Në janar të këtij viti, prokuroria e Fierit nisi hetimin në gjendje të lirë për pronarin dhe shitësin e “Brakajt”, për veprën penale “importim, prodhim dhe tregtim te ushqimeve të rrezikshme për shëndetin ose jetën e njerëzve”.
Ndërsa në prokurori përfaqësues të firmës deklaruan.
“Nuk e dinin që bombolat e oksigjenit që e shisnin përdoreshin për pacientet me Covid. Ligji nuk na detyron ti kërkojmë blerësve ndonjë certifikatë apo licencë përpara shitjes së bombolave me oksigjen industrial.”
Ky i fundit përdoret në industrinë ushqimore dhe për saldim.
Pacientët me Covid që trajtohen në shtëpi i përdorin këto bombola si aparat oksigjeni. Aktiviteti i kësaj firme u pezullua deri në fund të hetimeve.
