Një ngjarje e rëndë ka ndodhur në Argjentinë. Gjatë ndeshjes së kategorisë së tretë ndërmjet Hurakanit dhe Ferros nga shkallët e stadiumit janë dëgjuar të shtëna armësh zjarri.
Lojtarët dhe zyrtarët e ndeshjes janë larguar të tmerruar sapo kanë dëgjuar zhurmën. Një prej plumbave ka goditur arbitrin Mauricio Romero, i cili u transportua menjëherë në spital. Sipas policisë të shtënat e armëve kanë ardhur nga jashtë stadiumit duke përhapur panik.
Një situatë aspak normale ku të pranishmit në stadium rrezikuan jetën e tyre. Ndeshja u ndërpre dhe pritet vendimi i federatës nëse do të luhet sërish.
