– Një gazetar i shquar somalez, i cili ishte një kritik i grupit të armatosur al-Shabab, u vra nga një sulmues vetëvrasës teksa po dilte nga një restorant në kryeqytetin, Mogadishu. Al Jazeera shkruan se Al-Shabab mori përgjegjësinë për shpërthimin, i cili vrau drejtorin e Radio Mogadishu, Abdiaziz Mohamud Guled, i njohur zakonisht si Abdiaziz Afrika.
Anëtarë të grupit militant islamik al-Shabab, vriten 21 persona në Somali
Sulmi plagosi disa persona të tjerë, duke përfshirë drejtorin e Televizionit Kombëtar Somali dhe një shofer.
“Kushëriri im Abdiaziz u vra nga një kamikaz menjëherë pasi doli në një restorant… Ai vdiq ndërsa u dërgua me urgjencë në spital. Ai gjithmonë ka ndezur një dritë të madhe në al-Shabab, Zoti ia preftë shpirtin”,tha kushëriri i tij, Abdullahi Nur.
Në një deklaratë, zëvendësministri i informacionit i Somalisë Abdirahman Yusuf Omar tha se vendi kishte humbur një burrë trim. Ndwrsa zyrtari qeveritar Ismael Mukhtar Omar, një ish-koleg i Abdiaziz, tha se policia e kishte konfirmuar qw shpërthimi u shkaktua nga një kamikaz.
“Ai doli nga restoranti dhe hyri në makinën e tij me një koleg pasi kishin ngrënë darkë dhe sulmuesi vetëvrasës vrapoi në xhamin e makinës dhe shpërtheu veten”, tha një koleg tjetër Ali Mohamed.
Al-Shabab, e cila po zhvillon një fushatë të dhunshme të armatosur kundër qeverisë së brishtë të vendit dhe shpesh synon objektiva politike, të sigurisë ose civile, mori përgjegjësinë për sulmin.
