Një nga banorët e 5 Majit, të cilit pritet ti prishet shtëpia është edhe 97-vjeçari Nik Sokoli. Gjatë protestës së sotme, Sokoli është shprehur se në një shtet demokratik janë të pranishme edhe protestat, duke theksuar se ata nuk kanë asnjë problem me policinë. I moshuari tha se më mirë t’i pushkatojnë e të vdesin se sa t’ju prishin shtëpitë dhe të mos u japin paratë.
“Ky ka shtet demokratik, ka edhe protesta. Ne nuk kemi ndeshje me Policinë. Ndoshta u thotë Edi Rama pushkatojeni popullin, por nuk duhet. Më mirë të na pushkatojnë e të vdesim, sesa të na prishin shtëpitë e të mos na japin paratë. Rruga të bëhet, por edhe të na japin paratë,” tha Sokoli.
