Shirat e rrëmbyeshëm dhe të pandërprerë që kanë filluar që prej mëngjesit të sotëm kanë sjellë problematika të shumta në aksin nacional Berat-Skrapar. Ndërsa në fshatrat Vodicë dhe Fushë-Peshtan po vijon rrëshqitja e gurëve në rrugë, duke vështirësuar qarkullimin e mjeteve në këtë aks. Megjithatë shkëputja e gurëve nga faqja kodrinore përgjatë këtij aksi është një problem “kronik” që shfaqet gjithmonë sa herë që ka shira.
