Dy gazetarë të OKB-së janë arrestuar në Kabul së bashku me disa punonjës afganë, sipas një deklaratë Zyra e Komisionerit të Lartë të Organizatës së Kombeve të Bashkuara për Refugjatët (UNHCR).
“Dy gazetarë që punojnë për UNHCR-në dhe shtetas afganë që punojnë me ta janë arrestuar në Kabul”, tha agjencia e OKB-së në një postim në Twitter. “Ne po bëjmë të gjitha përpjekjet për ta zgjidhur situatën në bashkëpunim me të tjerët”, duke theksuar se nuk mund të japë detaje të tjera për rastin.
Two journalists on assignment with UNHCR and Afghan nationals working with them have been detained in Kabul. We are doing our utmost to resolve the situation, in coordination with others.
We will make no further comment given the nature of the situation.
— UNHCR, the UN Refugee Agency (@Refugees) February 11, 2022
Drejtoria Kombëtare e Sigurisë së Talibanëve tha se nuk kishte informacion për këtë çështje.
“Nuk kemi asnjë informacion në lidhje më këtë çështje, kur dhe si janë zhdukur, ende nuk kemi asnjë informacion,” tha zëdhënësi i NDS, Khalil Hamraz, duke shtuar se zyra e tij ishte në kontakt me ministrinë e brendshme për këtë çështje.
Që nga marrja e pushtetit në Afganistan, talebanët kanë arrestuar dhjetra disidentë dhe kanë shpërndarë me forcë protestat kundër regjimit. Shumë gazetarë afganë janë dhunuar ndërsa mbulonin protestat, raporton abcnews.al
Talibanët pretendojnë se kanë ndryshuar shumë nga regjimi i tyre i mëparshëm (1996-2001), kur ata shkelën të drejtat e njeriut, veçanërisht të grave. Por ato tashmë kanë kufizuar liritë e grave, duke vendosur kufizime në lëvizjen dhe të drejtën e tyre për punë dhe për tu arsimuar.
