Administratorja e Inceneratorit Integrated Energy BV SPV, Ariola Kodra nuk ishte prezente ditën e sotme në Komisionin Hetimor të Inceneratorëve. Kryetarja e Komisionit Hetimor, Jorida Tabaku deklaroi se sot kishte prova dhe fakte të reja, që përfshinin Kodrën në këtë aferë. Tabaku tha se provat që kishte në dorë tregojnë se Kodra kishte gënjyer, mirëpo la pak kohë që të mundësohej prezenca e saj në Komision.
‘Unë kam dijeni të fakteve të reja të biznesit të saj me pronarët e inceneratorit, nuk po them se gënjeu por tha të pavërteta, ne po presim informacionin për pjesën financiare të kompanisë. Ne duhet të procedojmë sa më shpejt’-tha Tabaku.
