Ministri rus i mbrojtjes Sergei Shoigu tha se “qëllimi kryesor” i Moskës në Ukrainë ishte tani çlirimi i rajonit të Donbasit, një shenjë se Moska mund të kalojë në objektiva më të kufizuara pasi u përball me rezistencën e ashpër të Ukrainës në muajin e parë të luftës.
‘‘Detyrat kryesore të fazës së parë të operacionit janë përfunduar. Potenciali luftarak i Forcave të Armatosura të Ukrainës është ulur ndjeshëm, gjë që bën të mundur përqendrimin e vëmendjes dhe përpjekjeve tona kryesore në arritjen e qëllimit kryesor, çlirimin e Donbasit.’‘-tha Shoigu.
Sipas Guardian, Shoigu pohoi më tej se forcat ajrore të Ukrainës dhe sistemi i mbrojtjes ajrore janë shkatërruar praktikisht dhe se Rusia tani kontrollon qiejt.
Të premten e kaluar, një zëdhënës i ministrisë së mbrojtjes së Rusisë tha gjithashtu se faza e parë e operacionit të saj ushtarak ishte “përgjithësisht” e përfunduar, duke thënë se vendi do të fokusohej në “çlirimin” e rajonit të Luhanskut të Ukrainës dhe rajonit të Donetskut, të njohur së bashku si Donbas.
Forcat e vendit megjithatë kanë vazhduar aksionin e tyre në disa fronte beteje anembanë Ukrainës gjatë fundjavës, duke përfshirë sulmin në qytetin perëndimor të Lviv, ku një raketë lundrimi ruse u përplas në një depo karburanti.
LAJMI KRYESOR: LUFTA/ Sot bi
